Sobre el Museu

Missió i estratègia

Missió i estratègia

Un musèu ei, essenciaument, ua airina ath servici dera conservacion dera memòria colllectiva d’ua societat. Eth Musèu d’Istòria de Catalonha vò èster, ath delà, un espaci entara amassada, eth debat e era reflexion ciutadana, e tanben ua airina entara informacion, er aprendissatge, era sensibilizacion e eth gaudiment, dubèrt a toti. Era exposicion permanenta aufrís un relat interactiu dera istòria de Catalonha a comdpar des tempsi mès luenhencs enquias nòsti dies e se complète damb tota ua seguida d’activitats educatives e ludiques, talhèrs e exposicions temporaus.

Eth Musèu d’Istòria de Catalonha s’a assolidat coma un referent ena conservacion, era recèrca e era divulgacion dera istòria e deth patrimòni culturau deth país. Eth decrèt constitutiu de 1996 establís qu'era mission dera entitat ei, justament, “conservar, expausar e difóner era istòria de Catalonha coma patrimòni collectiu e enfortir era identificacion des ciutadans damb era istòria nacionau”. D’aguesta manèra, eth Musèu assumís eth mandat de desvolopar es següentes foncions:

  • Conservar, aumentar, documentar e difóner es colleccions de titolaritat nacionau, representatives dera istòria, eth patrimòni e era cultura catalana, que configuren eth sòn hons patrimoniau e ne devien er actiu mès important.
  • Desvolopar, impulsar e collaborar en recèrces, exposicions e accions de divulgacion que hèsquen possible ua melhora coneishença dera istòria, eth patrimòni e era cultura catalana, e açò tant a escala nacionau coma internacionau.
  • Coordinar e dar sosten as musèus locaus e territoriaus deth país que s’i restaquen, en totes aqueres accions que amien a tèrme en relacion damb era recèrca, conservacion e difusion deth patrimòni arqueologic, istoric e etnologic de Catalonha.

Orientacions estrategiques 

Per çò qu'ei deth projècte culturau, eth Musèu d’Istòria de Catalonha desvolòpe era sua activitat a trauès dera implementacion de sies granes orientacions estrategiques:

  • Un Musèu de societat damb ua clara vocacion interdisciplinària.
  • Un centre de recèrca, conservacion e difusion deth patrimòni arqueologic, istoric e etnologic de Catalonha.
  • Un equipament culturau dubèrt e accessible entà toti es publics.
  • Un fòrum, un centre d’accion culturau autant qu'un musèu.
  • Un organisme en hilat tant a escala nacionau coma internacionau.
  • Ua institucion sostenibla, gerida damb era participacion dera societat civiu catalana.
Explora la història Explora la història Organitza't la visita Organitza't la visita Agenda Agenda
© Museu d'Història de Catalunya | Política de privacitat | Declaració d’Accessibilitat