Oraris
Localizacion
Bilhetes
Tarifes
Twitter
Facebook
Història del Museu
Eth Musèu d’Istòria de Catalonha daurís es pòrtes en hereuèr de 1996, per decision deth govèrn dera Generalitat de Catalunya. A diferéncia de d'autes institucions museïstiques, non nèish frut deth besonh d’exibir ua colleccion prealablament existenta, senon damb era volontat de vier un referent ena divulgacion dera istòria e deth patrimòni collectiu deth país.
Eth musèu se place enes ancians Magazins Generaus de Comèrç (MGC), era unica bastissa conservada deth vielh pòrt industriau de Barcelona. Dempús d’un intens trabalh de restauracion e adeqüacion der espaci, iniciat er an 1991 damb motiu des Jòcs Olimpics, se pren era decision d’installar-i eth MHC e ua exposicion permanenta sus era istòria de Catalonha.
A compdar dera sua inauguracion, eth musèu recep milenats de visitaires cada an. D’aguesta manèra, en prumèr nivèu dera bastissa, se condicione un espaci de 1.200 m² destinat a acuélher exposicions temporaus. Era aufèrta expositiva se complète, egaument, damb tot ua seguida d’activitats educatives, ludiques e academiques.
Damb eth pas des ans, era entitat desvolòpe ua colleccion pròpria, frut des donacions d’objèctes e documents. Encara que son de natura fòrça eterogenèa, era màger part des pèces son relacionades damb era istòria politica e institucionau de Catalonha. A compdar der an 1997, ath delà, ena madeisha bastissa se place eth Centre d’Istòria Contemporanèa de Catalonha (CHCC) e era sua importanta bibliotèca.
Eth Musèu d’Istòria de Catalonha hè partida deth Hilat de Musèus e Monuments d’Istòria de Catalonha e depen dera Agéncia Catalana de Patrimòni Culturau (ACdPC).
Directors deth Musèu d'Istòria de Catalonha
1996: Carme Laura Gil i Miró
1996-2000: Josep Maria Solé i Sabaté
2000-2008: Jaume Sobrequés i Callicó
2008-2014: Agustí Alcoberro i Pericay
2014-2016: Jusèp Boya i Busquet
2016-2023: Margarida Sala i Albareda
2023: Jordi Principal i Ponce
Explora la història
Organitza't la visita
Agenda
Oraris
Localizacion
Bilhetes
Tarifes