Sus eth musèu

L'edifici del Museu

L'edifici del Museu

Eth Musèu d’Istòria de Catalonha ocupe un sector des ancians Magazins Generaus de Comèrç (MGC). Maugrat qu'era bastissa se coneish damb eth nòm de Palai de Mar, en realitat ei era unica construccion conservada deth vielh pòrt industriau de Barcelona. Es MGC sigueren projectadi en 1881 per engenhaire Maurici Garrán que s'inspirèc enes bastisses portuàries angleses dera epòca. Encara aué se pòt apreciar era familiaritat entre es docks de Londres o Liverpool e eth Palai de Mar de Barcelona.

Es trabalhs de bastiment s’inicièren eth 1885, sus era anciana plaja des Pescadors, e se dauriren er 1 de junhsèga de 1902. Era premsa dera epòca aplaudic era modernitat des installacions que, entre de d'autes nauetats, incorporauen ascensors e correges carrejanères. Ar entorn dera bastissa s’i bastiren camin de hèr entà facilitar eth movement des mercadaries laguens deth pòrt. 

Pendent eth prumèr decenni d’existéncia des magazins, era Junta deth Pòrt prenec en carga dirèctament de gerir-les mès er an 1910 adjudiquèc eth contraròtle a ua enterpresa privada, era Sociedad Crédito y Docks de Barcelona. Dempús dera Guèrra Civiu, es MGC accentuèren era sua decadéncia e acabèren per dar arrecès a foncions fòrça diuèrses, entre eres era de Cuartel del Cuerpo de Carabineros.

Era plataforma ciutadana «Salvem el Port Vell» sauvèc deth demoliment eth Palai de Mar. Constituïda ar entorn deth 1989 per associacions de vesins des barris tòcatocants, academicians, professionaus e artistes, desvolopèc ua intensa campanha de sensibilizacion contra era destruccion deth patrimòni portuari e er impacte d’un projècte que privatizaue solèr public e defenec es valors ciutadans deth pòrt de Barcelona, en tot prepausar plaçar-i equipaments ciutadans e civics. Mercés ath movement associatiu vesiau damb ua longa trajectòria de revindicacions e accions podem gaudir d’aguesti petiti grani tresaurs.

En quadre des accions de melhora urbana que Barcelona experimentèc damb motiu des Jòcs Olimpics, er an 1991 era Junta deth Pòrt encarguèc era restauracion des elements exteriors dera bastissa coma intervencion prealabla ara sua recuperacion integrau. Fin finau, eth projècte de remodelatge e adeqüacion entà installar-i eth Musèu d’Istòria de Catalonha, siguec adjudicat as arquitèctes Josep Benedito i Rovira e Agustí Mateos i Duch en deseme deth 1994.

Era actuau bastissa junh era tradicion portuària damb eth dinamisme dera arquitectura contemporanèa. Es visitaires poderàn apreciar aguest dialòg entre çò qu'ei vielh e çò qu'ei nau e pujar ara terrassa deth darrèr estatge, a on gaudiràn d’ues vistes privilegiades sus eth pòrt e era ciutat de Barcelona. 

Istòria deth Musèu 

Galeria d'imatges
Explora la història Explora la història Organitza't la visita Organitza't la visita Agenda Agenda
© Museu d'Història de Catalunya | Política de privacitat | Declaració d’Accessibilitat