Oraris
Localizacion
Bilhetes
Tarifes
Twitter
Facebook
Centre d'Història Contemporània de Catalunya
Eth Centre d’Istòria Contemporanèa de Catalonha (CHCC) a per tòca era recuelhuda de documentacion sus era istòria contemporanèa de Catalonha e fomentar-ne era investigacion e divulgacion. D’aguesta manèra, eth CHCC promò e en quauqui casi dirigís estudis e trabalhs d’investigacion, e tanben era redaccion de memòries de persones que rememòrien vivéncies dera guèrra civiu, era pòstguèrra, era luta antifranquista e er exili.
Ei especiaument remercable eth supòrt qu'eth CHCC da ara publicacion de libres sus istòria contemporanèa de Catalonha. Eth Centre, totun, a per norma non editar dirèctament cap òbra, mès ajudar ath prètzhèt d'aqueri editors que publiquen libres d'istòria.
Era bibliotèca deth CHCC se fusionèc damb era deth Musèu d’Istòria de Catalonha en tot èster transportada ath Palai de Mar. Coma centre especializat en istòria contemporanèa de Catalonha, era bibliotèca ei ath servici des istorians, investigadors, professionaus der ensenhament, estudiants universitaris e public en generau interessat pera istòria.
D'un aute costat, en encastre deth Musèu d'Istòria de Catalonha, eth CHCC contunhe d'aufrir assisténcia istoriografica e bibliografica a professionaus e institucions entà facilitar, ath delà des estudis academics, era recèrca sus aspèctes referents ara istòria de Catalonha pr'amor de hèr-ne possible era difusion.
Lòc web dera entitat: http://memoria.gencat.cat/ca/organisme/chcc
Explora la història
Organitza't la visita
Agenda
Oraris
Localizacion
Bilhetes
Tarifes