Un musèu entà toti

Eth Musèu d’istòria de Catalonha se prepause èster un musèu entà toti. 

Damb aguesta tòca entamenam un projècte d’accessibilitat damb era volontat d'èster un agent mès en includiment sociau a trauès dera cultura. Era participacion sociau, tanben ena cultura, ei un dret de toti, e mos cau trabalhar entà qu'arrés ne demore excludit.

Çò cèrt ei qu'encara auem fòrça mancances qu'auem detectat tanlèu qu'auem metut era accessibilitat en centre des nòsti trabalhs, tant enes activitats qu'aufrim coma ena museografia e es servicis. Per açò auem iniciat un procès de revision que comence en 2021 damb era elaboracion d’un Plan d’accessibilitat. Aguest plan mos a de guidar enes cambiaments que presentam tàs ans a vier. 

Eth projècte implique toti es airaus deth musèu, a compdar dera melhora des installacions enquias servicis, era reforma dera exposicion permanenta e es exposicions temporaus. Ath delà d’eliminar es barrères fisiques, trabalham entà eliminar es barrères ena comunicacion entà qu'es persones damb andicap fisic, sensoriau o cognitiu poguen gaudir deth musèu.

Politica de prètzi

• Eth musèu aufrís entrada gratuïta a persones damb un andicap acreditat. Er acompanhaire tanben aurà era entrada gratuïta s'era carta acreditativa identifique qu'era persona a besonh d'un acompanhaire.
• Entrada gratuïta entà toti eth prumèr dimenge de mes
• Auem signat ua convencion damb Apropa Cultura que garentís er accès ath musèu as entitats aderides
• Ací trobaratz mès informacion sus reduccions e gratuïtats: https://mhcat.cat/la_visita/localitzacio_horaris_tarifes/tarifes

Servicis der equipament

Mobilitat laguens dera bastissa

	Accessibilitat a lèu toti es espacis entà persones damb mobilitat redusida. I a un desnivèu entà accedir ar escritòri medievau e ara plaça deth sègle XIX.  I a gradons entà accedir ara tor medievau e ath tramv Eth pasiment ei irregular en bòsc dera cabana medievau Dispausam de cagires pròpries entàs usatgèrs damb mobilitat redusida. Cau adreçar-se ath punt d'informacion deth vestibul o ben ath personau de sala.
	Lavabos practicables en estatge 0 e en estatge 4.
	Dispausam de cambiadors de borrassetes en estatge 0.
	Se permet er accès de gossets d'assisténcia ara bastissa e enes sales.
	Enes sales dera exposicion permanenta i a bancs entà sèir.
	Er espaci Àgora, en estatge 0, ei un espaci entà pausar-se.

Era bastissa ei construïda sus ua estructura de pilars que se quilhen en miei des sales, cada 4 mètres. Es pilars contrasten pòc en relacion damb eth hons.  

Era bastissa ei dividida en diuèrsi estatges. Entà accedir as diferenti estatges i a ua rampa e un ascensor.

	Era rampa a ua arribentor deth 12’56 % e ua tenguedera de veire.
	A compdar deth vestibul se pòt pujar dirèctament ath dusau estatge, a on comence era exposicion permanenta, damb ua escala mecanica.
	Es botoères des ascensors son senhalizades damb Braille e numèros damb naut relèu. Er ascensor non dispause d'àudio entà indicar er estatge.

Servicis entara visita

Guida narrativa entà premanir era visita. Eth Musèu a elaborat ua guida narrativa que vò èster ua airina entà qu'es persones damb Parrabastatge der Espèctre Autista poguen melhorar era sua experiéncia de visita, abans dera sua arribada ath Musèu.  Ací vos la podetz descrgar.

GuiaNarrativaTEA

pdf: 1420.839 Kb

	Signoguida. Aufrim ua guida de visita ath musèu ena lengua de signes catalana (LSC) e tanben ena lengua de signes espanhòla (LSE). Ei gratuïta e l'as disponible en tòn mobil a trauès d’aguest ligam:  https://mhcat.cat/la_visita/planol_audioguia_covid19/la_visita_amb_mobil/signoguia2/signoguia
	Tèxtes de lectura facila. Aufrim es tèxtes dera exposicion ‘Guillén, magia en espaci scenic’ en Lectura Facila. Descarga-los ací.
	Bocla magnetica. Eth musèu dispause de bocles magnetiques enes taulèrs d’informacion des hiestrons e des dusau e tresau estatges. Aguesti aparelhs codifiquen eth son en ua senhau magnetica que se reprodusís dirèctament en dispositiu que pòrten es persones damb implant coclear, en tot melhorar era qualitat dera audicion. Tanben dispausam de bocles magnetiques portables entà seguir es activitats guidades pera nòsta equipa educativa. Es persones interessades en aguest servici an de sollicità'c prealablament ath corrèu electronic mhcvisites.cultura@gencat.cat.
	Objèctes accessibles que se pòden manipular.  Ath long deth recorrut dera exposicion permanenta trobaratz diuèrsi elements d’interaccion que podetz manipular. En generau aguesti interactius son restacadi damb er usatge des airines en diferentes epòques.

Caracteristiques ambientaus

Eth vestibul ei un espaci fòrça transitat. Er espaci Àgora ei un espaci dubèrt a on podetz pausar-vos. 

Es ores damb mès visitaires son es maitins. Es tardes acostumen a èster mès tranquilles.

	Era lutz enes sales d’exposicion ei baisha entà garentir era conservacion des pèces.  Eth pasiment reflectís es fòcus. Eth solèr e es pilars an ua color semblabla e contrasten pòc.
	Enes sales i a dispositius sonors qu'emeten votzes, musica o es sòns ambientaus.

Visites guidades

Trabalham entà que totes es persones poguen gaudir deth musèu. Per aguesta rason metem ara vòsta dispausicion un programa de visites guidades que responen as vòsti besonhs. Podetz contactar damb eth servici de concertacion de visites ath telefòn 93 225 42 44 o ena adreça electronica mhcvisites.cultura@gencat.cat.

• Visites guidades en lengua de signes. Periodicament s’aufrissen visites guidades ath musèu damb interprèt de lengua de signes. Podetz consultar es dates en apartat d’accessibilitat dera visita Catalonha, un viatge en temps
• Activitats familhaus en lengua de signes. Consultatz es activitats familhaus que s’aufrissen damb interprèt en lengua de signes en apartat Pecics d’Istòria
• Programa Apropa cultura, adreçat tà entitats que trabalhen damb persones en situacion vulnerabla. Podetz reservar es visites a trauès d’aguest ligam:  https://www.apropacultura.cat/ca/equipamiento/museu-historia-catalunya
• Projècte Memòria. Visita adreçada a gent grana, especiaument a malauts d’Alzheimer, entà trabalhar es rebrembes personaus a trauès des scenografies e es elements dera exposicion. Aguesta activitat a estat desvolopada damb eth supòrt dera AFAB. Trobaratz mès informacion en tot clicar en aguest ligam
• Era Istòria enes tues mans. Visita guidada entà persones damb andicap visuau a trauès dera exploracion tactila e auditiva pera exposicion permanenta deth musèu.

Declaracion d’accessibilitat deth web

http://web.gencat.cat/ca/menu-ajuda/ajuda/accessibilitat/